തൊണ്ണൂറുകളിലെ മുന്‍നിര നായകന്മാര്‍ക്കൊപ്പം അഭിനയിക്കുകയും നിരവധി ഹിറ്റുകള്‍ സമ്മാനിക്കുകയും ചെയ്തിട്ടുള്ള സൂപ്പര്‍ നായികയായിരുന്നു വിചിത്ര. വിജയ്, രജനീകാന്ത് ചിത്രങ്ങളിലും അഭിനയിച്ചിട്ടുണ്ട് വിചിത്ര.
ഇപ്പോഴിതാ മലയാള സിനിമയില്‍ നിന്നും തനിക്കുണ്ടായൊരു അനുഭവം വെളിപ്പെടുത്തുകയാണ് വിചിത്ര. ഇന്ത്യ ഗ്ലിറ്റ്സിന് നല്‍കിയ അഭിമുഖത്തിലായിരുന്നു വിചിത്രയുടെ വെളിപ്പെടുത്തല്‍.
മലയാള സിനിമയില്‍ നിന്നും വിചിത്രയെ തേടി ഒരു അവസരം എത്തിയിരുന്നു. അന്ന് ഷക്കീല ചിത്രങ്ങള്‍ നിറഞ്ഞോടിയിരുുന്ന കാലമായിരുന്നു. അതിനാല്‍ വിചിത്രയ്ക്ക് തെല്ലൊരു ആശങ്കയുണ്ടായിരുന്നു. തുടര്‍ന്ന് അതേക്കുറിച്ച് ചിത്രത്തിന്റെ സംവിധായകനുമായി ചര്‍ച്ച ചെയ്തു. താന്‍ മമ്മൂട്ടിയെ നായകനാക്കി സിനിമ എടുത്തിട്ടുള്ളയാളാണ്. വിചിത്രയുടെ കഥാപാത്രത്തെ മാന്യമായേ കാണിക്കുകയുള്ളൂവെന്ന് സംവിധായകന്‍ വാക്കു നല്‍കിയെന്നും താരം പറയുന്നു.
കഥ കേട്ട ശേഷം വിചിത്ര ചിത്രത്തില്‍ അഭിനയിച്ചു. ചിത്രീകരണത്തിനായി ആ വര്‍ഷത്തെ പരീക്ഷ വരെ ഉപേക്ഷിക്കേണ്ടി വന്നു. എന്നാല്‍ മാസങ്ങള്‍ക്ക് ശേഷം തന്നെ വീണ്ടും വിളിക്കുകയും ചില രംഗങ്ങള്‍ ചിത്രീകരിക്കാനുണ്ടെന്നും അറിയിക്കുകയായിരുന്നു. ഇത് കുളി സീനും ബലാത്സംഗ രംഗവുമായിരുന്നുവെന്ന് വിചിത്ര പറയുന്നു.
എന്നാല്‍ മോശമായി ഈ രംഗങ്ങള്‍ ചിത്രീകരിക്കില്ലെന്ന് തനിക്ക് അവര്‍ ഉറപ്പു നല്‍കി. പക്ഷെ ചിത്രത്തിന്റെ പോസ്റ്റര്‍ പുറത്ത് വന്നപ്പോള്‍ പോസ്റ്ററിലുണ്ടായിരുന്നത് ബലാത്സംഗ രംഗമായിരുന്നു. ചിത്രത്തിന് ലഭിച്ചത് എ സര്‍ട്ടിഫിക്കറ്റായിരുന്നുവെന്നും വിചിത്ര പറയുന്നു.
ഇതോടെ ദേഷ്യം പിടിച്ച താന്‍ ചിത്രത്തിന്റെ സംവിധായകനെ സമീപിക്കുകയും അയാളുടെ കരണത്ത് അടിക്കുകയും ചീത്ത പറയുകയും ചെയ്തുവെന്നും വിചിത്ര വെളിപ്പെടുത്തുന്നു. തമിഴിലിലായിരുന്നു വിചിത്ര കൂടുതലും അഭിനയിച്ചിരുന്നത്. മലയാളത്തിലും കന്നഡയിലും തെലുങ്കിലും സാന്നിധ്യം അറിയിച്ചിട്ടുണ്ട്. ഏഴാമിടമായിരുന്നു ആദ്യ മലയാള സിനിമ. സീരിയലുകളിലും അഭിനയിച്ചിട്ടുണ്ട്.
Discussion about this post